اليوم شفت ربعي كلهم في انستغرام .. حاطين الـ ” PIN ” حقهم الجديد ويوم سالت قالوا لي إنه تطبيق جديد اسمه : ” مسج مي – MessageMe ” وشكله بيصير هو التوجه الجديد للناس أو مثل ما يقولون الهبّه اللي بيهّبون فيها الناس .. والتطبيق هذا يعمل عمل ” مسنجر البلاك بيري ” يعني عشان تضيف الناس والناس يضيفونك لازم الـ PIN المخصوص.. مو مثل الواتساب اللي الكل ” قالط ” معك فيه بمجرد إنهم يعرفون رقم تلفونك !
وكمان فيه الإضافة اللي تتم عن طريق الفيس بوك يعني لو أرسلت للناس اللي في الفيسبوك على طول ينضافون في اللسته وكمان يعلمنا مين عنده التطبيق إذا كان الشخص معك في قائمة الإتصال أو الفيسبوك اللي متوافق التطبيق معاه وكمان فيه التطبيق حاطين تويتر (قريباً) ..
ومن مميزاته إنه مجاني وتصميمه حلو وسهل الإستحدام وممكن إرسال المكان والصور وتسجيل الصوت وإمكانية إرسال فيديوهات اليوتيوب على طول وطبعا الفيديوهات اللي موجوده بالجهاز .. وكمان ممكن إرسال رسمه نرسمها فوراً ونرسلها .. وصورة شخصية مع صورة خلفية .. بإختصار يدعم الميديا بشكل كبير
وكمان التطبيق مجاني مش مثل الواتساب ومسنجر البلاك بيري .. وبدون إعلانات .. ويشتغل على أكثر من جهاز بنفس الـ PIN ..
ومثل ما قلت في الأول .. أجمل ما فيه إنه مثل مسنجر البلاك بيري مو أي أحد يدرعم عليك .. لازم إضافة بالـ PIN .. خصوصية التطبيق هو ميزته القوية وأتوقع إنها القشة اللي بتقسم ظهر البعير .. والبعير هنا أقصد فيه جهاز البلاك بيري .. اللي لو إنقطعت خدمته يصبح كأنه خردة في يدينا ..
لتحميل التطبيق من متجر أبل:
لتحميل التطبيق من متجر جوجل بلاي: